مکتوب لار

باشیم آغرییر

 قیشین سون نفسلری دیر سانیرام

داها قارغالارین قره رنگینی بللندیرن آغ قاردان خبر یوخ خیابانلاردا!

داها اسکی لر کیمی اوشومه ییر آیاقلاریم اللریم!

سئرچه لره اوچوش جسارتی یارانیر آستا آستا

تورپاقدان دوغوم سانجیسینین سسی گلیر سانیرام. و ....

ای واه.... اوره ییم ده هیجان یوخسا اضطراب بیلمیره م بیریسی یووا قورور سانکی!

من باهارا آلرژیم واردیر آخی

من ده وورولماق قورخوسو وار هر باهاردا!

باهارین چیچک لی یاغیشلی خیابانلارینی یالنیزجا دولانماق

قارا بیر کابوس کیمی دیر!

آنام ائو ائشییه باخاجاغام دئییر!آنام توزون آلماق ایسته ییر پنجره لرین !

 قوی باهار دوم دورو گوروشسون

دئییر کردیلرده اکدیی گوللر! هیسین آلماق ایسته ییر دام دووارین!

قوناق گله جک دئییر آنام!

نه ایسه! اوره ییمین هیسین آلماق  وورور بئینیمه!

اوره ییمین پنجره سیندن باهاری و باهارلی دونیانی 

دوم دورو گورمک ایسته ییر آنامین اوغلو!

بایرام قاباغی دیر قوناق. گتیردیم بلکه اوره ییمین اوتاغینا !

اورادان باهاری دوم دورو گورمک ایسته ییریک! 

سئوگیلی لر گونو یاخینلاشیر!

و ایل چوخلارینا فرقلی دیر بیلدیردن!

بعضا بو ایل سئوگی یاشادیرلار ایلک دفعه اولاراق!
بعضا هئچ بیر سئوگی یاشاتماییبلار هنوز
بعضا سئوگی یاشادیبلار ایللر بویو سئوگیلی لرییندن خبر سیز

بعضا سئوگیلیلرینی اونودوب !بعضا سئوگیلی لرینی خاطیرلاییرلار

آنجاق نئجه گون سونرا...
ونئچه  ساعات سونرا دونیا دا نئچه میلیون چیچک سونولاجاق سئوگیلی لره!

سئوگی دولو گونلر یاشاییب خاطیره لره چئوریله جک

نوستالوژی صاندیغینا شکیللر .مکتوبلار و یازیلار آرتیلاجاق!

و.... حایات بویله داوام ائده جک!

بوتون سئون اورکلری تبریک ائدیب بوتون پای وئریلن چیچک لره قیسقانیرام!

چیچک اولماق ایسته ییرم دوغروسو!