کئچیب گئدر ...مکتوب یاشارا)4
*(مکتوب یاشارا)4
گئچیب گئدر جانیم
قوللارینی اؤیله دویونلمه بیری-بیرینه. آچ پنجره نی!بوراخ گئتسین بو حوزون بو دومان اورک اوتاغیندان.
دئمه آنلایانمیرام کدرینی،دئمه دوشونمورم سنی!طبیعی کی چتین دیر طبیعی کی آجیدیر!او قدر آجی کی بوتون یاشامینین دادینی زهرلده بیلر.آنجاق نئیله مک.گرهک دؤزه سن و صبیر ...
اللریندن رز چیچک لرینین عطری اوزولمه ییب سه،گوزلرینده اونون باخیشلاری حک اولوبدورسا، بوغازیندا قالیب دیرسا سئویرم لرین یاریسیندان چوخو!اینان بونا، دونیا دا گؤزللیک لرین عمرو چوخ آز.
سئوگی کیمی گؤزللییه شهرین بو هاواسی مساعید دئیل!سنی بولود لارین اوستونه آپاریب اولدوزلارلا گزدیرن گوزللیکلر بو عصرین استانداردلاریلا اویغون دئیل.
گؤز یاشلارینین قاباغیندا دورما!آچ گؤزلرینین یاش بولوتلارینی!آغلا جانیم! آغلا کی آغلاماق یالنیز اوشاق لار اوچون دئیل!آغلاماق یالنیز قادین لار اوچون دئیل! ایسلات یاناقلارینی!قوی یویولسون اؤپوش لرینین ایزی اوزوندن.
آغلا! و سیل بابا لاریمیزین بو سوزونو بئینین دن کی کیشی آغلاماز!
سن آغلادیقجا اوریینین شوشه لرینه یاغیش چیرپیر سانکی!سن آغلادیقجا یووا سالماغا حاضیرلانان نفرت اوتانیر. او قدر آغلا کی ...
ایندی آستاجا سیل گؤز یاشلارینی. کیمسه گؤرمه سین!کیمسه یه بیلیندیرمک سئوگی نی و گؤز یاشلارینی تهلوکه لی دیر!ایندی چوخلاری آغلایا بیلدینه ده قیسقانیب گؤز یاشلارینی دا گؤزلری گؤتورمه ییر.
سیخما اوره یینی و آرزیلارینی اؤلموش سانما! باخ! اونویلا بیر پاییزا آچیلان پنجره نین آرخاسیندان برابر بیر گولدانا سو وئرمک آرزی سی داغیلسادا ! یئنی آرزیلاری بویوت و یئنی بیر حایاتا حاضیرلان!
و اوره یینین توزونو آل!اوره یینده کی اؤلونو قویلا!و بیر زامان الینه سوندوغون گوللرین قوروموشوندان باش داشینا تاپشیر! سونرا اوره ینین قاراسین چیخار! اوره یینی ساهمانا سال! اینان کی هر نه گئچن دیر هر نه!!!
او سئوگیله دولو گونلر گئددیسه بو آجی سئوگیسیز گونلرده گئچیب گئچن دیر!
*:یاشاراوچون دور بو مکتوب !یاشار، اومورام الینه یئتیشن دن سونرا منه جاواب وئره سن!
