بو گئجه
بوتون تئلئفونلار قاپالی
بوتو.ن قاپی لار قاپالی
سسین قیریق قیریق گلیر
سسیم گلمه ییر
الیمی اوزالتیرام سنه ساری
الینی اوزالتمیسان منه ساری
نئت تئللری قیریلیر
قارانلیق یورویور اوتاغیما
آی گیریر بولوت دالینا
اووجومو یومورام
گوزلریمی یومورام
و
اومورام
گله سن یوخولاریما
گله سن یوخولاریمین اوتاغینا
گله جک سن
یوخولاریمین قاپی سی آچبق
بلی ائله سرخوشجاسینا بو یازی باشلاییر
ائشیدمیشدیک اسکی لردن دونیانی نئجه توتسان اویله ده قاباغا گئده جک!
تبریزه قار یاغیر!تبریز ده مترو وورورلار!خیابانلار ترافیکی چوخ دا آجی بیر اولای دئییل!
یانی شهرده حیات وار!
فلسفی صحبت لر دانیشلیر هنده ورینده! بیریسی سیاست گوشه ییر آغزیندا!پریزدئنتی سویوشه باسیر!بیریسی حیاتین نه اولدوغونو
تاپدیغیندا سرخوش!بیریسی قادینینی بوشاییب و اللرینی جئب لرینه قویارکن سویله ییر آه آزادلیق!
بیریسی و بیریسی و........
سن ایچینده کی آنلاملارین اوستونده اوزانیرسان یوخلاماغین گلیر!یاتا بیلمیرسن!
سن اوخودوغون ان سون کیتابین یازاری نین نئجه انتحار ائله دیینه فکرلشیرسن!
سونرا باشینین آغریسی چوخالیر!چای ایچمه یه مئیلین یوخ!
سیگار چکمه یه ده!
آروادینی آتاسی گیلدن گتیرمه لیسن!خیابانلار دا ترافیک غوغا سالیب!
تبریزده مترو وورورلار!قار یاغیر!پرئزدئنتی.{ }...و اوخودوغونون ان سون کیتابی بوراخیرسان!
قادینین بوشانما پروسئسه سینی بو قدر یوباندیردیغینا گوره گولومسه ییر سن!
و سانیرسان دونیانی نئجه توتسان اویله گئده جک!
و سنه قالان نئچه ساعات سرخوشلوق اولور کی آز آز باشیندان اوچور!
و باش آغرین آزالیر!
و یئنی بیر یازیلا گله جه یم
