مکتوب لار

یئنی بیر شئی یازمامیشام!
 قارلی هاوادا  دوداقلاریم قار دانه لرین اوولاماغا چالیشیر!

سئوگیلی لر گونو یاخینلاشیر!

و ایل چوخلارینا فرقلی دیر بیلدیردن!

بعضا بو ایل سئوگی یاشادیرلار ایلک دفعه اولاراق!
بعضا هئچ بیر سئوگی یاشاتماییبلار هنوز
بعضا سئوگی یاشادیبلار ایللر بویو سئوگیلی لرییندن خبر سیز

بعضا سئوگیلیلرینی اونودوب !بعضا سئوگیلی لرینی خاطیرلاییرلار

آنجاق نئجه گون سونرا...
ونئچه  ساعات سونرا دونیا دا نئچه میلیون چیچک سونولاجاق سئوگیلی لره!

سئوگی دولو گونلر یاشاییب خاطیره لره چئوریله جک

نوستالوژی صاندیغینا شکیللر .مکتوبلار و یازیلار آرتیلاجاق!

و.... حایات بویله داوام ائده جک!

بوتون سئون اورکلری تبریک ائدیب بوتون پای وئریلن چیچک لره قیسقانیرام!

چیچک اولماق ایسته ییرم دوغروسو!
 

آلدانیش دان گئدیر سوزوم.....

بئله دوشونورم واقعیت لرین آجیلیغینی تسللی وئرن ان یوموشاق یول آلدانیش دیر!

بیزی گونده نئچه لر دفعه اوزوموزو و باشقالارینی آلدادیریق!اینانمیرسان!؟آتان قوجالیغینی دانماقلا باشینا هفته ده بیر یول رنگ وورور!قارداشین سئوگیلی سیندن آیریلماغینی تسللی وئرمک اوچون گونده دفعه لرجه دئییر او منیم لاییقیم دئیلدی!گئتسین اوز تایینان سئوگی قورسون!حال بو کی او نئچه آ اونجه اونون باشینا آند ایچیردی!اونو دونیانین تکجه گوزل و دوشونن قیزی سانیردی!

بلکه ائله اوندادا اوزونو آلدادیردی!او قیزی من گورموشودوم او چوخ دا عادی بیر قیزیدی!آنجاق قاداشیم او گونلر سئوگی آدلی بهانه ایله اوزونو آلدادیردی و بوگونلر بئله بئله سوزلر له!آتامین باشینا رنگ یاخیب قارایا بویاماغی کیمی بیر ایشدیر اونون ایشی!منده باشقالاری کیمی!آنجاق آلداتمالاریمی گیزلتمک زوروندایام!یعنی هر کیمسه یاخچی و پروفئشینال بیر آلداتان اولورسا او هامیدان یاخجی گئرچک لر و دوغال دونیا قایدالاریلا اوز به اوز اولماغا حاضیرلاشاجاق!بعضا اینسانلار او قدر گوزل اوزلرینی آلدادیرلار کی اوزلریده اینانیرلار!مثلا : بیر گنج یازیچی نئچه صحیفه یازماقدان سونرا گوزله ییر جئب تئلفونونا زنگ آچیب و نوبل اودولونو قازانماغینین خبرینی وئرسینلر!

بعضا بو آلدانیش دا باشقالاریدا گوناه سیز دئییل لر باشقالاریدا بیلر بیلمز بو یالانی ایناندیرماقدا  سهملری وار!بس نئله مک لازیم؟؟؟؟؟؟؟آلداتماقلا (اوزوموزو و باشقالارینی) تسللی تاپیریقسا ندن آلداتمایاق؟!یوخ باشقا یولو یوخ!آنجاق ایکی یولو وار!بیر یو کی آلدادیریق سا چالیشاق او قدر گوزل آلداداق کی باشقالاریندان سونرا اوزوموز ده ایناناق!و گئرچک لر بلله نه نجن ان آزی بیر عومور کئچسین!ایکی بو کی وجدان عذابی توتماماق اوچون تئز اونوداق کی بو بیر آلدانیش دیر!